इलाममा आगामी माघ अन्तिम साता प्रदेश १ का जनप्रतिनिधिमा निर्वाचित दलित भेला तथा दक्षिण एसियाली दलित मिट–२०७६ हुने भएको छ । माघ २४ र २५ गते हुने भेलामा प्रदेश १ का विभिन्न तहमा जननिर्वाचित जनप्रतिनिधि ३५० जना दलित जनप्रतिनिधि सहभागी हुने छन् ।
दलित समुदायबाट प्रतिनिधित्व गर्ने संघीय सांसद्, प्रदेश सांसद्, जिल्ला समन्वय समिति प्रमुख÷उपप्रमुख, सदस्य, स्थानीय तहका प्रमुख÷उपप्रमुख तथा अध्यक्ष÷उपाध्यक्ष र कार्यपालिका सदस्यहरू तथा इलामका सम्पूर्ण दलित जनप्रतिनिधीहरु सहभागी हुने जनाइएको छ। भेलामा प्रदेश १ बाहेक अन्य छ प्रदेश, भारत र भुटानबाटसमेत १०० जना सहभागी हुने मुल समारोह आयोजक समितिका संयोजक नवराज शंकरले जानकारी दिए। माघ २४ गते नौमतीबाजा र झाँकीसहितको ¥याली इलाम सदरमुकामको रत्नचोकदेखि गौतम बुद्ध सभागृहमा पुग्नेछ। सभागृहमा इलाम क्षेत्र नम्बर २ का सांसद तथा पूर्वसभामुख सुवासचन्द्र नेम्बाङले भेला उद्घाटन गर्ने तय भएको छ।
त्यही अवसरमा नेम्बाङले संविधान र कानुन निर्माणमा दलितका सवालबारे आफ्नो धारणा राख्ने कार्यक्रम रहेको संयोजक शंकरले जानकारी दिए।
Copyright © 2019 / 2026 - Junkirikhabar.com All rights reserved
