निजी तथा आवासीय विद्यालय अर्गनाइजेसन नेपाल प्याब्सन को २९औं स्थापना दिवसको अवसर पारेर सुनसरीमा विभिन्न कार्यक्रम गरि मनाइएको छ ।
प्याब्सन स्थापना दिवसको अवसर पारेर प्याब्सन सुनसरीले इटहरी १७मा रहेको रामजानकी शान्ति वृद्धाश्रममा आश्रीत रहेका जेष्ठनागरिकहरुलाई खाद्यान्न वितरण गरेर मनाएको हो ।
इटहरी १७ पकलीमा रहेको रामजानकी शान्ति आश्रममा बस्दै आएका जेष्ठनागरिकहरुलाई प्याब्सन सुनसरीले बरिष्ठ उपाध्यक्ष अनुप योञ्जनको नेतृत्वमा ७५केजी चामल , पिठो ३० केजी , तेल १० लिटर चिनी १० केजी चिया ,ब्रस , दन्तमञ्जन लगायतका सामाग्रीहरु वितरण गरिएको प्याब्सन सुनसरीका अध्यक्ष विष्णु कोइरालाले जानकारी दिए ।
त्यसै गरी इटहरी नगर प्याब्सनले इटहरी ४का चार जना सन्तान अपागंता भएका लक्ष्मण तामागं परिवारलाई चार सिरक सहित चामल दाल तेल लगायतका सामाग्रीहरु वितरण गरको इटहरी नगर प्याब्सन अध्यक्ष सुर्वणबहादुर थापाले वताए । अपागंता भएको परिवारलाई सहयोग सामाग्री प्रदान गर्न इटहरी प्याब्सनका अन्य पदाधिकारीहरु समेतको सहभागिता रहेको थियो ।
Copyright © 2019 / 2026 - Junkirikhabar.com All rights reserved
