कटहरी गाउँपालिका–७ की एक महिलाले प्रेमीसँग मिलेर पतिको हत्या गरेकी छन् । कटहरी–७ की दयाबती सरदारले प्रेमी स्थानीय बोस भन्ने ३६ वर्षीय बद्री सरदारसँग मिलेर ४५ वर्षीय पति विकास सरदारको हत्या गरेकी हुन् । हत्या आरोपमा प्रहरीले दयाबती, बद्रीसँगै स्थानिय ललन सरदार र मुकेश सरदारलाई पक्राउ गरेका छन् ।
कर्तव्य ज्यान मुद्दामा म्याद थप गरी जिल्ला प्रहरी मोरङले उनीहरुलाई मंगलबार सार्वजनिक गरेको छ। दयाबतीको बद्रीसँग दुई वर्षदेखि अनैतिक सम्बन्ध रहेको विकासले जानकारी पाइसकेपछि ललन र मुकेशको साथ लिएर माघ ५ गते राति हत्या गरिएको अनुसन्धानबाट खुलेको प्रहरी उपरिक्षक विश्व अधिकारीले बताए। विकासको शव माघ ६ गते ग्रामथान गाउँपालिका–३ स्थित ढङटोलीस्थित सडक छेउको खाल्डोमा फेला परेको थियो।
Copyright © 2019 / 2026 - Junkirikhabar.com All rights reserved
