असार २१, २०७६
जुनकिरी खबर

नसीम सिआइबीको फन्दामा

पछिल्लो १३ वर्षदेखि हालसम्म विभिन्न समयमा अपराध गर्दै फरार रहेका कपिलवस्तुका नसीम खाँ केन्द्रीय अनुसन्धान ब्युरो (सिआइबी)को फन्दामा परेका छन्। सिआइबीद्वारा खटिएको प्रहरी टोलीले विशेष सूचनाको आधारमा नसीमलाई काठमाडौंको बानेश्वरबाट बिहान १० बजे पक्राउ गरेको हो।

कपिलवस्तुलाई केन्द्र बनार्इ अपहरण, फिरौती र हत्या जस्ता ८ वटा घटनामा संलग्न रहेको आरोपमा खानलाई पक्राउ गरिएको सिआइबीका प्रवक्ता तथा एसपी दीपक रेग्मीले बताए। कपिलवस्तुमा श्रृंखलाबद्ध अपराधका घटना गरेर भारतमा लुकीछिपी बस्दै आएपछि नसीमलाई 'मोस्ट वान्टेड' सूचीमा राखेर खोजी गरिएको एसपी रेग्मीले बताए।