इटहरी उपमहानगरमा फागुन १४ देखि २२ गते सम्म दादुरा र रुवेलाविरुद्धको खोपका लागि तयारी तिव्र पारिएको छ । इटहरीमा ९ महिना देखि ५ बर्षमुनिका १४ हजार २ सय ४७ वालवालिकालाई दादुरा र रुवेला विरुद्धको खोप प्रदान गरिने छ ।
दादुरा रुवेला खोप अभियानकै अवसरमा जन्मेदेखि पाँच बर्ष सम्मका १७ हजार ३ सय ४६ वालवालिकालाई पोलियो थोपा समेत खुवाइने कार्यक्रम रहेको उपमहानगर स्वास्थ्य संयोजक रामचरण चौधरीले वताए । इटहरीका ६४ स्थानमा खोप प्रदान गर्न २४ जनालाई तालिम दिइसकिएको छ । सवै वडामा अभिमुखिकरण कार्यक्रम गरिदै छ ।
जन्मेदेखि पाँच बर्षसम्मका वालवालिका रहेका सवै घरहरुमा खोपका लागि निम्तो कार्ड पुरयाइने सरोकारवालाहरु सँग गरिएको नगरस्तरीय अभिमुखिकरण कार्यक्रममा जनस्वास्थ्य नीरिक्षक घनश्याम सिग्देलले वताए । खोप अभियानका लागि १सय ८५ जना स्वयंसेवक परिचालन गरिने छ । कार्यक्रममा इटहरी अस्पतालका डक्टर मनिष शर्मा,स्वास्थ्यकर्मी रामकुमार धमला र जिल्ला जनस्वास्थ्य कार्यालयकी पब्लिक हेल्थ नर्स श्रीजना लिङ्गथेपले रुवेला दादुरा खोप अभियानको महत्वका वारेमा प्रष्ट पारीन् ।
इटहरी उपमहानगर वडा नम्वर ४ का अध्यक्ष चन्द्र भटटराईले खोप अभियान सम्पन्न गर्न कार्यपालिकाले भरपुर सहयोग गर्ने वताए । सामाजिक विकास तथा स्वास्थ्य महाशाखा प्रमुख भोजकला दवाडीले वालवालिकाको स्वस्थ्य भविश्य सुनिश्चिताका लागि खोप अभियान सफल वनाउन सम्वन्धित सवै सरोकारवाला सँग आग्रह गरेका छन् ।
Copyright © 2019 / 2026 - Junkirikhabar.com All rights reserved
