इटहरी उपमहानगरले तरहरा देखि एकम्वा जोडने वहुबर्षिय योजना अन्र्तगत सडक क्षेत्राधिकारभित्र पर्ने संरचना हटाउन आग्रह गरेको छ ।
इटहरीको वडा नम्वर १,१५,१६,१७ र २० नम्वर वडा हुँदै तरहरा,लविपूर, पकली,एकम्वा जोडने सडकको क्षेत्राधिकार भित्र पर्ने घर,टहरा,गोठ लगायतका संरचना सात दिन भित्र हटाउन सूचना गरेको हो । सात दिनभित्र नहटाए नियमानुसार भई जाने सूचनामा उल्लेख गरिएको छ ।
सम्वन्धित वडा कार्यालयहरु र सार्वजनिक स्थानहरुमा सूचना टाँस गरिएको उपमहानगरले जनाएको छ । यसैबिच इटहरी २ आँपगाछीमा रोयल रिसोर्टले पैनीको क्षेत्राधिकार मिचेर वनाएको संरचना भत्काएको छ रिसोर्टले पैनी मिचेर बनाएको जग्गा १५ दिन भित्र भत्काउन इटहरी उपमहानगरका प्रमुख द्धारिकलाल चौधरीले निर्देशन दिएका थिए । सञ्चालक अमृत कार्कीले १५ दिनभित्रमा भत्काउने वताएका थिए ।
