पाथिभरा म्याराथन तथा मेची पर्यटन महोत्सव सुरु भएको छ। प्रदेश-१ का सभामुख प्रदिपकुमार भण्डारीले शुक्रबार उद्घाटन गरेको महोत्सव फागुन १३ गतेसम्म चल्नेछ।
पहिलो दिन फुङलिङको तोक्मेडाँडाबाट हाङ्देवास्थित चण्डेश्वर धामसम्म कलशयात्रा गरिएको थियो। भिमकाली गुल्मको प्राङ्गणमा कविता वाचनलगायत साँस्कृतिक कार्यक्रम भइरहेको छ। शनिबार अन्तर पालिका मेयरकप भलिबल, हेलिकप्टरबाट पाथीभरा, कञ्चनजंघालगायतका पर्यटकिय स्थलहरुको अवलोकन, प्याराग्लाइडिङ सुरु हुनेछ।
फागुन १३ गते फुङलिङबाट पाथिभरा मन्दिरसम्म म्याराथनको आयोजना गरिएको प्रचार संयोजक खगेन्द्र अधिकारीले बताए। महोत्सवले पूर्वका ताप्लेजुङसहित पाँथचर, इलाम र झापाका पर्यटकिय स्लथहरुको करिडोर बनाउने गरि प्रचारको लक्ष्य राखेको आयोजकसहितका अध्यक्ष तारानाथ घिमिरेले बताए।
फुङलिङवासीले नगर तथा बजार क्षेत्र बेहुलीझैं सिंगारेका छन्। प्रत्येक घरअघि घडा सजाइएका छन्। ध्वजापातका र आकर्षक गेटले बजार रंगिन बनेको छ।
Copyright © 2019 / 2026 - Junkirikhabar.com All rights reserved
