स्थानीयबाट सुरक्षा खतरा बढेको भन्दै सप्तकोशी नदीमा बन्द भएको जलयातायातको रूपमा सञ्चालित मोटरबोट (पानी जाहाज) सञ्चालनमा आएको छ ।
स्थानीयबासीले राखेको रोजगारी र भाडामा सहुलियतको माग पूरा हुने भएपछि साना पानी जहाज सञ्चालनमा आएको हो ।
जलयातायातका सञ्चालकहरूले भोजपुरको हतुवागढीमा पत्रकार सम्मेलन गरेर जाहाज सञ्चालनमा आएको जानकारी गराएका थिए ।
जलयातायात सुनसरीको बराहक्षेत्रबाट भोजपुरको हतुवगढी–९ कोप्चेसम्म सञ्चालन हुँदै आएको थियो ।
भाडा ४ सय बाट घटाएर २ सय ५० रुपैयाँ कायम गरिएको सञ्चालक राजेन्द्र कार्कीले जानकारी दिए । अहिले ७ वटा जहाज सञ्चालनमा रहेका छन् ।
Copyright © 2019 / 2026 - Junkirikhabar.com All rights reserved
