कोरोना भाइरससंग जोडीएर उच्च सतर्कता अपनाउने नाममा बजारमा केही उपभोग्यवस्तु सहित फेसमास्कको कृतिम अभाव सृर्जना गरिएको गुनासो बढेपछि इटहरीमा बजार अनुगमन गरिएको छ ।
इटहरी उपमहानगरपालिकाको सक्रियतामा एलपि ग्याँसका डिलर सहित मेडिकलहरुमा अनुगमन गरिएको हो । उपमहानगरपालिकाको सक्रियतामा भएको अनुगमनका क्रममा दुईवटा ग्याँसका डिलरमा ग्याँस सकिएको र एउटाले वाहिर नराखेर भित्र लुकाएको अवस्थामा फेला पारिएको उपप्रमुख लक्ष्मी गौतमले वताइन । उनले मेडिकलहरुका फेसमास्कको अनुगमन गर्दै दैनिक उपभोग गरिने मेडिकियर मास्क कुनै पनि मेडिकलमा नभएको जानकारी दिइन ।
बजारमा कृतिम अभाव सृर्जना भएको गुनासो आएको कारण इटहरी उपमहानगरपालिकाले आकस्मिक रुपमा बजार अनुगमन गरेको जनाइएको छ । उपमहानगरपालिकाले समय समयमा बजार अनुगमन समेत गर्ने गरेको छ । कोरोना केन्द्रीत बजार अनुगमनका क्रममा सात ग्याँस डिलर सहित केही मेडिकल अनुगमन गरियो ।
कोरोनासंग जोडिए उच्च सुरक्षा अपनाउन सरकारी स्तर साथै सामाजिक सञ्जालहरुमा आएका सुचनाका कारण मानिसहरुले दैनिक उपभोग्यवस्तु औषधी सुरक्षित गर्ने क्रम बढेको छ ।
Copyright © 2019 / 2026 - Junkirikhabar.com All rights reserved
