कोरोना भाइरसको संक्रमण हुन नदिन सुनसरीको इटहरीमा उच्च सर्तकता अपनाउदै सुचना हेल्प डेस्क स्थापना सहित सचेतनामुलक अभियान सुरु गरेको छ ।
विश्वका केही देशहरुमा कोरोना भाईरसको संक्रमण फैलिएपनि हाल सम्म नेपालमा भेटीएको पुष्टि नभएपनि उच्च सर्तकता अपनाउनु पर्ने अवस्थालाई मध्यनजर गर्दै इटहरी उपमहानगरपालिकाले सचेतनामुलक अभियान थालेको हो ।
कोरोनाका कारण विश्व त्रसित वनिरहेको समयमा छिमेकी मुलुकहरुमा समेत संक्रमितहरु भेटी सकेको कारण उच्च सर्तकता अपनाउने उपमहानगरपालिकाले निर्णय गरी कोरोना रोकथाम तथा सचेतनाका लागि विभिन्न कार्यहरु थालनि गरिएको पत्रकार सम्मेलन गरि जानकारी गराइयो ।
उपमहानगरपालिकाकी उपप्रमुख लक्ष्मी गौतमले कोरोनाका विषयमा सुचना सामाग्री सहित इटहरी अस्पतालमा हेल्प डेस्क स्थापना गरिएको , नगर क्षेत्रमा रहेका सामुदायिक विद्यालयहरुमा सुचनामुलक बोर्ड तथा ज्वरो नाप्ने थर्मोमिटर उपलव्ध गराउने , विद्यालयहरुमा सचेतना मुलक कक्षा सञ्चालन गर्ने , धेरै भिडभाड हुने कार्यक्रमहरु सभा सम्मेलन नगर्न अनुरोध गर्ने जस्ता कार्यक्रमहरु अघि सारिएको जानकारी दिइन । त्यसै गरी सार्वजनिक ठाउँहरुमा साबुन पानीले हात धुने कर्नर व्यवस्था मिलाउने लगायतका कार्य पहिलो चरणमा गरिने पनि उनले वताइन ।
Copyright © 2019 / 2026 - Junkirikhabar.com All rights reserved
