एक नम्बर प्रदेशमा कोरोना भइरस संक्रमण हुन नदिन प्रदेश सरकारले गरेका कार्य अपुर्ण भएको सत्ता पक्षकै सांसदले आरोप लगाएका छन् ।
आइतबार बसेको प्रदेश १ संसद बैठकको विषेश समयमा बोल्दै सांसद गोपालचन्द्र बुढाथोकीले भाइरस संक्रमण रोक्न सीमानामा गरिएका तयारी अपुर्ण भएको बताए । रोकथामका लागि सरकारको प्रयास बोलमा सिमित भएको उनको गुनासो छ ।
पर्याप्त उपकरण र स्वास्थ्यकर्मी परिचालन नगर्नु, कोरोना संक्रमणको आशंका लागेका बिरामीलाई आईसोलेसन भएको स्थान सम्म पुर्याउन एम्बुलेन्स सहित चिकित्सकको व्यवस्था सीमा क्षेत्रमा नहुनु दुखत रहेको संसद बुढाथोकीको भनाई थियो ।
उनले सरकार समयमा सचेत नभए यसको गम्भिर असर देखापर्ने भन्दै सरकारलाई सचेत गराए ।
प्रदेश सभाको शून्य समयमा बोल्दै प्रदेश सभा सदस्य राजन राईले कोरोना भाइरस नियन्त्रणमा सरकारको प्रयास पयाप्त नभएको बताए ।
आइतबारको संसद बैठकमा हालसम्म बसेको बैठकको शुन्य समयमा उठेका प्रश्नको आथिक मामिला तथा योजना मन्त्री इन्द्रबहादुर आङ्बोले जवाफ समेत दिएका छन् ।
उनले प्रदेश १ सरकारले हाल गरेको बजेट खर्च उत्साहजनक रहेको बताए । उनले सरकारको लक्ष अनुरुप बजेट खर्च हुने दाबी समेत गरे ।
आइतबार बसेको बैठकको शुन्य समयमा बाेल्दै विष्णु तुम्बाहाम्फे पर्यटकिय तिनजुरे मिल्के जलजले क्षेत्र मास्न खोजिएको बताइन् ।
संसदको अर्को बैठक भोली सोमबार दिउँसो १ बजे बस्नेछ ।
Copyright © 2019 / 2026 - Junkirikhabar.com All rights reserved
