कोरोना भाइरसको संक्रमण रोकथामका लागि एक नम्बर प्रदेशका तीन स्थानमा क्वारेन्टाइन तयार भएको छ ।
कारोनाका शंकास्पद बिरामीको जाँचका लागि प्रदेश सरकारको निर्णयअनुसार नेपाली सेनाले एक नम्बर प्रदेशका तीन स्थानमा क्वारेन्टाइन स्थापना गरेको हो ।
नेपाली सेनाको पूर्वी पृतना इटहरीका पृतनापति आनन्द कार्कीका अनुसार मोरङको मिक्लाजुङ– ५ मा पर्ने टाडी, झापाको भद्रपुर र उदपयुरको बेलसोतमा क्वारेन्टाइन राखिएको हो ।
पूर्वमाओवादी सेनाको ब्यारेक रहेको टाडीमा २०० जनालाई राख्नेगरी एकसय अस्थायी टेन्ट राखिएको छ ।
भद्रपुरमा ४० मोरङमा दुईसय र उदपयुरमा दुई सय जना अटाउने क्षमताको क्वारेन्टाइन स्थापना भएको हो ।
क्वोरन्टाइनमा शंकास्पद विरामीको उपचारका लागि नेपाली सेनाको चिकित्सकको टोली खटिनेछ ।
प्रदेश सरकारको गत फागुन २९ गते कोरोना भाइरसको संक्रमणविरुद्धको कार्ययोजनामा मिक्लाजुङ र सुनसरीको श्रीलंकाटप्पुमा क्वारेन्टाइन बनाउने निर्णय गरेको थियो ।
श्रीलंकाटप्पु पुग्ने बाटो नभएका कारण अन्य स्थानमा क्वारेन्टाइन स्थापना भएको हो ।
आवश्यक परे श्रीलंकाटप्पुमा पनि निर्माण गर्ने बताइएको छ ।
Copyright © 2019 / 2026 - Junkirikhabar.com All rights reserved
