सुनसरीको इटहरी स्थित सञ्चालनमा रहेका होटलहरु बन्द हुने भएका छन् ।
सोमबार बसेको होटल ब्यबसायी संङघ इटहरीको बैठकले एक विज्ञप्ती जारी गर्दै २०७६ चैत्र ११ गतेबाट चैत्र २२ गतेसम्म सम्मका लागि होटल बन्द गर्ने निर्णय गरेको हो ।
कोरोना भाइरसको माहामारी फैलिरहेको बेला सम्पूर्ण होटल व्यवसायीलाई होटल बन्द गरी सुरक्षित रहन आग्रह गरिएको हो । होटल ब्यबसायी संघ इटहरीका अध्यक्ष जीवन पराजुली तथा महासचिब उमानाथ दाहाल द्धारा हस्ताक्षर गरिएको विज्ञप्तीमा सम्बन्धित घर धनिलाई भाडामा छुट दिन तथा बैंकलाई कर्जाको ब्याज छुट गरिदिन समेत आग्रह गरीएको छ ।
इटहरी उपमहानगरपालिकाले दुई सय क्षमताको आइसोलेसन वार्ड बनाउने तयारी गरेको छ । इटहरी ५ स्थित जनता बहुमुखी क्याम्पसको कक्षा कोठामा सोमबारदेखि वार्ड बनाउने तयारी गरिएको हो ।
सोमबार उपमहानरले प्रेस विज्ञप्ती जारी गदैं एकै पटक दुई सय जनालाई अटाउने सुबिधाको वार्ड निर्माणको लागि नेपाली सेना, शसस्त्र/जनपथ प्रहरी, उघोग बाणिज्य संघ, रेडक्रस सोसाइटी, राजनितिक दल तथा अन्य संघसंस्थासँगको समन्वयमा क्यारेन्टाइन बनाउने तयारी गरिएको छ ।
Copyright © 2019 / 2026 - Junkirikhabar.com All rights reserved
