लकडाउनका कारण अहिले देशैभर रगतको अभाव भएको छ ।
नेपाल रेडक्रस सोसाईटी सुनसरीले प्रदेश एकमा रगत अभाव भएकोले रक्तदान गर्न आव्हान समेत गरेको छ । यो चैत्र महिनाको सुरु देखिनै रगत अभाव थियो । चैत्र ११ गते देखि कोरोना भाइरसको जोखिमलाई मध्यनजर गरेर नेपाल सरकारले लकडाउन घोषणा गरेपछि भने झन ठुलो रगतको अभाव सिर्जना भएको नेपाल रेडक्रस सोसाईटी सुनसरीका सभापति उमेश थापाले बताए ।
नेपाल रेडक्रस सोसाईटीको बीपी कोईराला स्वास्थ्य विज्ञान प्रतिष्ठानमा रहेको ब्लड बैकमा रगत अभाव भएपछि विरामीलाई माग अनुसारको रगत उपलब्ध गराउन नसकेको प्रतिष्ठानको ब्लड बैकका इन्चार्ज शुभाषचन्द्र सिंहले बताएका छन् । उनका अनुसार विहिबार मोरङको लायन्स क्लव अफ कानेपोखरी र रमाईलो बचत तथा ऋण सहकारी संस्थाले संयुक्तरुपमा आयोजना गरेको रक्तदान कार्यक्रमबाट ७१ पिन्ट रगत संकलन भएको छ । यसले थोरै भए पनि रगत अभावको पुर्ति गरे पनि रगत व्लड बैकमा अझै अभाव रहेको इन्चार्ज सिंहले बताए ।
Copyright © 2019 / 2026 - Junkirikhabar.com All rights reserved
