मोरङका एक घरधनीले लकडाउन अवधिको व्यवसायीक सटर भाडा नलिने भएका छन् । सुन्दरहरैचा नगरपालिका ६ स्थित गछियाका युवा सुवास भण्डारीको १३ वटा सटरमा व्यवसाय गर्नेहरूलाई भाडा मिनाहा गरेका हुन् ।
विश्वभर महामारीका रूपमा फैलिरहेको कोरोना भाइरसको सङ्क्रमण रोक्न चैत्र ११ देखि जारी लकडाउनको अवधिमा बन्द भएका सटरको भाडा नलिने घोषणा गरेको उनको भनाई छ ।
लकडाउनका कारण घर बाहिर ननिस्कने अवस्थामा व्यवसाय गरेर दुई चार पैसा कमाउने नागरिकलाई सानो राहत स्वरूप आफूले यस्तो घोषणा गरेको उनले बताए ।
विप्पतीको समयमा एक अर्कोको सहयोग गर्नु अति आवश्यक रहेको उनी बताउँछन् । यस्तै लकडाउनका कारण विपन्न परिवारमा कोही खाना नपाउने अवस्था भए आफूले उनीहरूका लागि पनि खाद्यान्न सामाग्री समेत सहयोग गर्ने जानकारी दिए ।
भण्डारीले १३ वटा सटरबाट मासिक ५२ हजार भाडा उठाउने गर्दथे ।
Copyright © 2019 / 2026 - Junkirikhabar.com All rights reserved
