कोरोना संक्रमणका सम्भावित बिरामीलाई राख्न प्रदेश १ मा आइसोलेसन शय्या थप गरिएको छ । यसैगरी शंकास्पद बिरामी राख्नका लागि विभिन्न स्थानमा क्वारेन्टाइन शय्या पनि थपिएको छ ।
प्रदेश १ मुख्यमन्त्री तथा मन्त्रिपरिषद्को कार्यालयका अनुसार आइतबार साँझसम्म गरी प्रदेशका विभिन्न जिल्लाका २ सय ४४ स्थानमा ३ हजार ९ सय ५४ शय्याको क्वारेन्टाइन स्थापना भइसकेको छ। वडादेखि स्थानीय तहसमेतको सहयोगमा क्वारेन्टाइन स्थापना गरिएको हो।
यसैगरी ४९ स्थानमा ४ सय ३८ शय्या क्षमताको आइसोलेसन केन्द्र राखिएको छ। यसैगरी पूर्वका विभिन्न अस्पतालमा सम्भावित सिकिस्त बिरामीका लागि ४४ वटा आईसीयूसहितको शय्या व्यवस्था गरिएको मन्त्रिपरिषद् कार्यालयका कानुन सचिव भरतमणि रिजालले बताए।
पूर्वका क्वारेन्टाइनहरुमा हालसम्म ५ सय ९९ जनालाई राखेर रेखदेख भइरहेको जनाइएको छ। यसैगरी शंकास्पद १३ जना बिरामीलाई आइसोलेसनमा राखेर उपचार र निगरानी भइरहेको छ।मध्ये ८ जना डिस्चार्ज भएका छन्। भारतका विभिन्न सहर अनि समुद्रपार मुलुकबाट आएका समेत गरी २ हजार ७ सय ५३ जनालाई होम क्वारेन्टाइनमा राखेर निगरानी भइरहेको प्रदेश सरकारले जनाएको छ।
Copyright © 2019 / 2026 - Junkirikhabar.com All rights reserved
