सुनसरीको विभिन्न मस्जिदमा विदेशी नागरिक भेटिने क्रम जारी छ । दुहवी १ स्थित जामे मस्जिदमा ११ पाकिस्तानी मुस्लीम धर्मगुरु भेटिएका छन् । फागुन २४ गते पाकिस्तानबाट काठमाडौं हुँदै सुनसरी आइपुगेका उनीहरुलाई मस्जिदभित्रै निगरानीमा राखिएको छ ।
उनीहरु लकडाउन सुरु हुनुभन्दा एक दिनअघि चैत्र १० गते दुहबीको जामे मस्जीदमा बसेका थिए। उनीहरुमा कोभिड-१९ संक्रमणको कुनैपनि लक्षण नदेखिएकाले मस्जिदभित्रै सुरक्षित रुपमा निगरानीमा राखिएको इलाका प्रहरी कार्यालय दुहबीका प्रहरी निरीक्षक प्रविण कार्कीले जानकारी दिए ।
यसअघि हरिनगर गाउँपालिका १ स्थित जामिया मस्जीद मरकजमा १४ जना भारतीय र इटहरी १८ स्थित जतपुर मस्जीदमा ८ जना पाकिस्तानीलाई समेत स्वास्थ्य जाँच गरी निगरानीमा राखिएको थियो ।
उनीहरुमध्ये केही चोर बाटोबाट लकडाउनको समयमा नेपाल छिरेको समेत बताइएको छ।
Copyright © 2019 / 2026 - Junkirikhabar.com All rights reserved
