इटहरी उपमहानगरपालिकाले पहिलो चरणको राहत वितरण सम्पन्न गरेको छ ।
उपमहानगरले सार्वजनिक तथ्यांक अनुसार हिजो सम्म इटहरीका २० वटै वडाहरुमा गरि १९ हजार ५ सय ५९ जना विपन्न र दैनिक ज्यालादारी गरेर जिविकोपार्जन गर्ने नागरिकलाई राहत वितरण गरिएको छ ।
त्यसमा सय जना विद्यार्थीहरुलाई थप राहत वितरण गरिएको छ । केही वडाहरुमा छुटेका र अत्यन्तै समस्यामा परेकाहरुका लागि थप केहि राहत वितरण हुदाँ २० हजार वढिलाई राहत पुग्ने फुड वैंकको जिम्मेवारी सम्हालेका मेयर उपमेयर सचिवालयका महेश सुवेदीले जानकारी दिए ।
सवै वडाहरुमा गरि एक करोड ३६ लाख ९१ ह्जार भन्दा वढिको राहत वितरण गरिएको छ ।वडाकार्यालयले लगत संकलन गरि वडाकार्यालय मार्फतनै राहत वितरण गरिएको हो ।
इटहरी उपमहानगरले ८० लाख जम्मा गरेर स्थापना गरेको प्रकोप ब्यवस्थापन कोषमा सहयोग रकम र फुडवैंकमा खादयान्न जुटने क्रम जारी छ ।
२०७६ चैत्र २७ गते सम्म इटहरी उपमहानगरले वितरण गरेको राहतको वडागत विवरण,प्रकोप ब्यवस्थापन कोषमा संकलित रकम,सहयोगका लागि गरिएको घोषणा,खादयान्न लगायत जिन्सि सहयोग र जनता क्यामपस इटहरीमा क्यारेण्टाइन निर्माणमा जुटेको सहयोगको विवरण उपमहानगरले सार्वजनिक गरेको छ ।
Copyright © 2019 / 2026 - Junkirikhabar.com All rights reserved
