कोरोना भाईरस संक्रमण नफैलियोस भने मुलुकभर लकडाउन घोषणा गरेपनि लकडाउन उल्लंघन गर्ने क्रम रोकिएको छैन । यसमा सबै भन्दा आजित प्रहरी बनेको छ । लकडाउनमा घर बाहिर ननिस्कन आग्रह गर्दा पनि सर्वसाधरणहरु अटेरी गरि बाहिर निस्कदा प्रहरी आजित बनेको हो ।
तर सरकारले दुई दिन अघि लकडाउन कार्यान्वयन गर्न कडा निर्देशन दिएपछि प्रहरीले लकडाउन उल्लघन गर्नेहरुलाई सडकमै नियन्त्रणमा लिन थालेको छ ।
इटहरी प्रहरीले पनि लकडाउनको समयमा मर्निङवाक गर्ने, रमिते बनेर हिड्ने, तरकारी किन्ने वहाना बनाएर सडक क्षेत्रमा निस्कनेहरुलाई नियन्त्रणमा लिएर तीन घण्टासम्म सडकमै उभ्याउन थालेको हो ।
आइतबार विहान विभिन्न बहाना बनाएर लकडाउन उल्लंघन गर्ने १४४ जनालाई नियन्त्रणमा लिइएको थियो । नियन्त्रणमा लिएकाहरुलाई कोरोना सम्बन्धि सचेतना समेत पढाइएको थियो ।
एक मानिसबाट अर्काे मानिसमा सजिलै सर्ने कोरोना भाइरस फैलिन नदिन लगाइएको लकडाउन पालना नगर्दा जोखिम बढने तर्फ मध्यनजर गर्दै लकडाउन पालना नगर्नेहरुलाई कारवाही गरिएको इटहरीका डिएसपी धर्मराज भण्डारीले बताए ।
प्रहरी नियन्त्रणमा रहेका सर्वधारणहरुले समेत आफुुहरुले गल्ती गरेको स्वीकार गर्दै कोरोनाबाट बच्न र अरुलाई समेत बचाउन अब देखि लकडाउन उल्लंघन नगर्ने बताएका छन ।
..
नियन्त्रणमा लिइएका सर्वसाधारणलाई तीन घण्टा नियन्त्रणमा राखेर छाडियो भने नियन्त्रणमा लिएका सवारी साधन प्रहरी कार्यालयमा राखिएका छन् । यस्तै नियन्त्रणमा लिएको मोटरसाईकल लकडाउन सकिएपछि मात्र फिर्ता दिने प्रहरीले जनाएको छ ।।
Copyright © 2019 / 2026 - Junkirikhabar.com All rights reserved
