इटहरीको क्वारेन्टाइनमा चार जना थपिएका छन् । भारतको पन्जावबाट आएका उनीहरुलाई सोमबार नियन्त्रणमा लिई क्वारेन्टाइनमा राखिएको हो ।
उनीहरु सुनसरीको इनरुवा, चाँदबेला र बारा जिल्लाको जितपुरका भएको इटहरी उपमहानगरपालिकाकी उपमेयर लक्ष्मि गौतमले जानकारी दिएकी छिन् ।
उपमेयर गौतमका अनुसार चार जना थपिएसँगै इटहरीको जनता बहुमुखी क्याम्पसमा उपमहानगरले निर्माण गरेको क्वारेन्टाइनमा १६ जना पुगेका छन् । जसमा ११ भारतीय र ५ नेपाली नागरिक रहेका छन् । ती मध्ये ११ भारतीयको स्वाब परिक्षणका लागि नमूना वीपी कोइराला स्वास्थ्य विज्ञान प्रतिष्ठान पठाइएको छ । बाँकी ४ जनाको पठाइने उपमेयर गौतमले बताइन् ।
यस्तै, इटहरी अस्पतालमा (आज) मंगलबारबाट र्यापिड टेस्ट थालिने भएको छ । त्यसका लागि एक जना प्राविधिकले टेष्टको बिषेश तालिम लिएर आएको उनले जनाइन् । कोरोना संक्रमणको शंका लागेका व्यक्तिहरुमा प्रारम्भिक टेष्टका लागि इटहरी अस्पताललाई केही टेष्ट किट आएकाले आजबाट टेष्टको कार्य थालिने उनले बताइन् ।
शंकामा रहेका व्यक्तिहरुको रगत लिएर टेष्ट किट्सबाट प्रारम्भिक टेष्ट गरिने उनले बताइन् ।
Copyright © 2019 / 2026 - Junkirikhabar.com All rights reserved
