मोरङका विभिन्न स्थानमा राखिएका क्वारेन्टाइनमा बसेका सयजना घर फिर्ता भएका छन् । कोरोना भाइरस संक्रमण नियन्त्रण गर्न सम्भावित बिरामीलाई राख्न जिल्लाका ६ स्थानमा क्वारेन्टाइन केन्द्र छन् । तिनमा रहेका १ सय ७६ जनामध्ये सय जना घर फर्केको मोरङ प्रहरीले जनाएको छ ।
क्वारेन्टाइनमा बस्नेहरुमा संक्रमणको लक्षण नदेखिएपछि घर फिर्ता गरिएको हो । प्रदेश १ मा धरानस्थित बीपी कोइराला स्वास्थ्य विज्ञान प्रतिष्ठान र विराटनगरस्थित कोसी अस्पतालमा कोरोना संक्रमण भए, नभएको परीक्षण गर्ने गरिएको छ । यसबाहेक विभिन्न स्थानमा र्यापिड टेस्ट विधिमार्फत् पनि प्रारम्भिक परीक्षण भइरहेको छ ।
मोरङको टाँडीस्थित आर्मी क्याम्पसमा रहेका १ सय ५१ मध्ये ९७ जना फिर्ता भएका छन् । यसैगरी घिनाघाटस्थित प्राथमिक स्वास्थ्य केन्द्रमा राखिएको क्वारेन्टाइनमा बसेका ११ जनामध्ये ३ जना घर गएका छन् ।
Copyright © 2019 / 2026 - Junkirikhabar.com All rights reserved
