उदयपुरमा बसेका १२ जनालाई कोरोना संक्रमण पोजेटिभ देखिएको छ । शुक्रबार गरिएको परीक्षणमा १२ जनालाई कोरोना संक्रमण पोजेटिभ देखिएको हो ।
संक्रमण देखिएकाहरुलाई विराटनगर ल्याउने तयारी भइरहेको स्वास्थ्य कार्यालय उदयपुरका प्रमुख मोहन सुवेदीले जानकारी दिए ।
‘१२ जनामा संक्रमण देखिएको मौखिक जानकारी आएको छ ।’ उनले भने ‘ सबैलाई विराटनगर लैजाने तयारी गर्दैछौं ।’
लुकेर बसेका १६ जनाकाे कोशी अस्पतालमा थ्रोट स्वाब परीक्षण गर्दा पाेजेटिभ देखिएकाे थियाे । कोशीको परीक्षणामा संकास्पद देखिएपछि थप परीक्षणका लागि काठमाडौ पठाइएको हो ।
काठमाडौंको टेकुस्थित राष्ट्रिय जनस्वास्थ्य प्रयोगशालामा १६ जनाकै परीक्षण गर्दा १२ जनाकाे रिपाेर्ट पाेजेटिभ अाएकाे हाे ।
उनीहरू उदयपुरकाे त्रियुगा नगरपालिका ३ स्थित त्रियुवा बहुमुखी क्याम्पसकाे क्वारेन्टाइनमा बसेका थिए ।
उदयपुरका सहायक प्रमुख जिल्ला अधिकारी भीमप्रसाद भट्टराईका अनुसार उनीहरु लक डाउन अघि उदयपुर पुगेका थिए ।
उनीहरुको ट्राभल हिस्ट्री ट्याकीङको काम भइरहेको उनले बताए ।
Copyright © 2019 / 2026 - Junkirikhabar.com All rights reserved
