कोरोना भाइरस रोग (कोभिड–१९) संक्रमण भएपछि के कस्ता लक्षण देखिन्छन् भनेर जनमानसमा प्रचार गरिएभन्दा भिन्न पनि लक्षण पाइएपछि परीक्षणको काम द्रुत गतिमा बढाउनुपर्ने चिकित्सकहरूले बताएका छन् ।
बाहिरबाट हेर्दा संक्रमित जस्तो सामान्य लक्षण पनि नदेखिने बिरामीको संख्या बढ्दै जाँदा त्यस्ता बिरामी अझ धेरै भएर पनि परीक्षणको दायरामा नआएको हुन सक्ने आकलन विज्ञहरूले गरेका छन् ।
त्यस्ता व्यक्ति जसमा संक्रमण भएको धेरै समयसम्म सुक्खा खोकी, ज्वरो, बिरामीको कुनै लक्षण नदेखिँदा पनि उनीहरूले संक्रमण सार्न सक्छन् । हालसम्म विभिन्न अध्ययन र अवस्थाले ‘कोभिड–१९’ सुषुप्त रूपमा फैलिन सक्ने क्षमता राख्ने समेत उनीहरू औंल्याएका छन् ।
स्वास्थ्य आपत्कालीन कार्य सञ्चालन केन्द्रको तथ्यांकअनुसार द्रुत परीक्षण किटबाट हालसम्म करिब १५ जनाको कोभिड–१९ संक्रमणको स्थिति ‘पोजेटिभ’ देखिएको छ तर उक्त किटबाट परीक्षण गरिएकाहरूलाई पुन: पीसीआर जाँच गर्दा तीन जनामा मात्र पोजेटिभ देखिएको हो ।
‘संक्रमित भए पनि लक्षण नदेखिनेहरू यो रोगको शान्त रूपमा विस्तार गर्नेहरू हुन्,’ बीपी कोइराला स्वास्थ्य विज्ञान प्रतिष्ठानको मेडिसिन विभागका प्रमुख प्राडा.सञ्जीवकुमार शर्माले भने, ‘हाल मुलुकमा भएको पीसीआर र द्रुत परीक्षण (एपिट बडी आधारित) किटबाट भएको नमुना परीक्षणको नतिजाले यो कुरालाई प्रस्ट रूपमा औंल्याएको छ ।’
Copyright © 2019 / 2026 - Junkirikhabar.com All rights reserved
