बराहक्षेत्र नगरपालिकाको विपत् व्यवस्थापन राहत कोषमा नगदसँगै जिन्सी सामग्री संकलन हुने क्रम जारी रहेको छ । हालसम्म कोषमा ९४ लाख २६ हजार ३ सय ९७ रुपैयाँ ८० पैसा संकलन भएको नगरपालिकाले जनाएको छ ।
कोषमा नगदसहित जिन्सी सामग्री समेत संकलन भइरहेको छ । बराहक्षेत्र नगरपालिकाका सूचना अधिकृत पुकार पोखरेलका अनुसार विभिन्न संघसंस्था र व्यक्तिहरुबाट खाद्यान्न सहयोग भइरहेको छ ।
खाद्यान्न अन्तर्गत सप्तकोशी कृषि सहकारी बराहक्षेत्र ६ ले पाँच सय ७५ केजी चामल र ६ केजी दाल, २५ केजी दाल, २५ केजी नुन, साढे १२ लिटर तेल, राप्रपा नगर नगर कार्यसमितिले एक हजार दुई सय ५० केजी चामल, सहारा नेपालले एक हजार केजी चामल, प्रभु बैंक कालाबञ्जारले एक हजार दुई सय ५० केजी चामल हस्तान्तरण गरेको छ ।
त्यसैगरी केशव दाहालले दुई सय ५० केजी चामल, उमिता बराइली (प्रदेश सभा सदस्य)ले पाँच सय केजी चामल र नाम नखुलेकाहरुले एक हजार केजी चामल सहयोग हस्तान्तरण गरेका छन् । नगरपालिकाले दातालाई नगद मात्रै नभएर जिन्सी सामग्री प्रदान गर्न समेत अनुरोध गरेको छ ।
साथै बराहक्षेत्र वडा नम्बर ३ लाई हङकङमा बसोबास गर्ने बराहक्षेत्र ३ नडाहा निवासी पुष्पबल तामाङ्गले बराहक्षेत्र नगरपालिका ३ नं. वडालाई राहात वितरणका लागि ५५ हजार पाँच सय ५५ रुपैयाँ हस्तान्तरण गरेका छन् ।
Copyright © 2019 / 2026 - Junkirikhabar.com All rights reserved
