भारत र तेस्रो मुलुकबाट आएका व्यक्तिहरुबाट कोभिड १९ संक्रमण फैलिएको पाइएपछि अपनाउनुपर्ने सावधानी प्रदेश १ मा देखिएको छैन । १४ जिल्ला समेटिएको यो प्रदेशमा अन्यत्रबाट कति मानिस भित्रिए भन्ने यकिन तथ्यांकसमेत सरकारसँग छैन ।
यो बेला विदेशबाट आएकाहरूको तथ्यांक संकलन गरी उनीहरुको परीक्षण गर्नुपर्ने हो। विभिन्न स्थानमा बनाइएका क्वारेन्टाइनमा बसिरहेकाहरुको आरडिटी विधिले परीक्षण गर्नुबाहेक अरुको परीक्षण भएको छैन।
संक्रमण फैलन नदिन गरिएको लकडाउनको अवधि एक महिना नाघिसकेको छ। अरु थप्नुपर्ने उच्चस्तरीय समितिले सरकारलाई सुझाव दिइसकेको छ। लकडाउनकै अवधिमा पनि भारतबाट आउने क्रम जारी छ। लकडाउन अघि आएकाको संख्या त झनै ठूलो छ।
प्रदेशमा संक्रमितको संख्या २९ पुगेको छ। सुरुमा उदयपुरको भुल्केस्थित नुरी मस्जिदमा बसेका व्यक्तिबाट कोरोना भाइरसको संक्रमण फैलिएको आशंका गरिएको थियो। तर, प्रदेश सरकारले भारतको सुरत र वैदेशिक रोजगारीमा दुबईबाट फर्किएका व्यक्तिबाट संक्रमण फैलिएको निष्कर्ष निकालेको छ।
सामाजिक विकास मन्त्री जीवन मन्त्री घिमिरेले भारत तथा तेस्रो मुलुकबाट आएका करिब ५ हजारजनालाई क्वारेन्टिनमा राखेको दाबी गरेका छन्। प्रदेशका विभिन्न स्थानीय तहमा बनाइएका क्वारेन्टिनमा त्यति संख्यामा मानिसहरुलाई राखिएको उनको भनाइ छ।
Copyright © 2019 / 2026 - Junkirikhabar.com All rights reserved
