औषधि, त्यो पनि गुणस्तरहीन प¥यो भने के होला ? प्रश्न मात्रैले पनि त्रास बढाउँछ । तर, बजारमा न्यूनगुणस्तरका औषधि छ्यापछ्याप्ती हुन सक्ने अनुगमनले देखाएको छ ।
पछिल्लो नमूना परीक्षणका क्रममा औषधि व्यवस्था विभागले ८ प्रकारका गुणस्तरहीन औषधि विक्री भइरहेको पाएसँगै जनस्वास्थ्यमाथि कतिसम्म खेलवाड भइरहेको छ भन्ने तथ्य पनि खुलेको छ । विभागले गरेको नमुना परीक्षणमा ३ वटा आयुर्वेदिक कम्पनीका सहित ८ प्रकारका औषधिमा मापदण्डभन्दा बढी जीवाणु र ब्याक्टेरिया भेटिएको हो ।
जसमध्ये दुई वटा भारतीय कम्पनीका औषधि पनि छन् । नमुना परीक्षणमा असफल भएका सबै औषधिको निर्वाध विक्री भइरहेको थियो ।
कुन कुन औषधी न्यून गुणस्तरको ?
– नेपाल फर्मास्युटिकल्स ल्याबोरेटोरी प्राइभेट लिमिटेड वीरगन्जले उत्पादन गरेको ब्याच नम्बर एलपीएन–७४१६५ को फर्मिन–जिआई फोर्ट, यो डायबेटिज रोगका लागि प्रयोग हुने औषधि हो ।
– जिडी फर्मास्युटिकल्स प्रालिले उत्पादन गरेको ब्याज नम्बर पीआइटीआई–१७०२ को प्यान्टोना, यो एसिडिटीका लागि प्रयोग हुने औषधि हो ।
उल्लेखित औषधिको रंग परिवर्तन भएको र ट्याब्लेट भाँचिएको भेटिएको हो । विभागले मापदण्ड पूरा नगर्ने औषधीको बिक्री रोक्न निर्देशन दिएको छ । बिशेषज्ञले गुणस्तरमा शंका भएकोले बिक्रि भइरहेका औषधिको गुणस्तर परीक्षणमा पहिलो प्राथमिकता दिनुपर्ने औंल्याएका छन् ।
औषधि न्यून गुणस्तरको हुनु भनेको शरीरभित्र गएर नघुल्नु र औषधीय गुण पूर्ण मात्रामा शरीरमा नपुग्नु हो । जसले प्रयोग गर्नु र नगर्नुमा तात्विक फरक पार्दैन । बरु कतिपय अवस्थामा नकारात्मक असर उत्पन्न हुन्छ ।
Copyright © 2019 / 2026 - Junkirikhabar.com All rights reserved
