कोरोना भाइरसको संक्रमण र लकडाउनका कारण प्रदेश १ सरकारले चालू आर्थिक वर्ष अनुत्पादक क्षेत्रको करिब ५ अर्ब बजेट कटौती गरेको छ । कोरोना नियन्त्रणका लागि आगामी वर्षसमेत स्रोत व्यवस्थापन गर्ने गरी १२ शीर्षकका बजेट कटौती गरिएको हो ।
चालू वर्ष खर्च हुन नसक्ने बजेट सबै मन्त्रालयलाई समर्पण गर्नसमेत सरकारले निर्देशन दिएको छ । अनुत्पादक क्षेत्रको र खर्च हुन नसक्ने बजेट प्रतिफल आउने बहुवर्षीय योजनाहरूमा रकमान्तर गर्ने सरकारको योजना छ ।
कटौती गरिएका शीर्षकमा सवारी खरिद, फर्निचर, सेवा, परामर्श, भत्ता, भ्रमण भत्ता, तालिम, करारमा कर्मचारी नियुक्ति, राजनीतिक नियक्तिलगायत छन् ।
‘ठेक्का प्रक्रियामा रहेका योजनाहरूको चालू वर्ष खर्च हुन नसक्ने बजेट समर्पण गर्न मन्त्रालयहरूलाई निर्देशन दिइएको छ,’ आर्थिक मामिला तथा योजनामन्त्री इन्द्रबहादुर आङ्बोले भने, ‘अनुत्पादक क्षेत्रको र मन्त्रालयहरूले समर्पण गरेको बजेट रकमान्तर गरेर प्रतिफल देखिने बहुबर्षीय योजनामा खर्च गर्छौं ।’
Copyright © 2019 / 2026 - Junkirikhabar.com All rights reserved
