लकडाउन लम्बि रहेको समयमा सुनसरीको इटहरी उपमहानगरपालिकाले संघिय सरकारले तयार पारेको मापदण्ड अनुसार दोस्रोे चरणको राहत वितरण कार्य सुरु गरेको छ ।उपमहानगरपालिकाले वडा वडामा राहत पाउने ब्यक्तिहरुको नामावली संकलन गरेर त्यसैको आधारमा राहत वितरण गर्न थालेको हो ।
दैनिक ज्यालादारीमा काम गरेर गुजरा चलाउने विपन्न परिवारहरुलाई राहत वितरण गर्ने कार्य अन्र्तगत सबै वडामा दुई भन्दा वढि संख्या हुने परिवारलाई २० केजी चामल,दुईकेजी दाल,डेढ लिटर खानेतेल,एक केजी नुन र दुइवटा सावुन राहत स्वरुप वितरण गर्न थालिएको हो । दुइजना सम्म भएकालाई १० केजी चामल,एक केजी दाल,आधा लिटर तेल,एक केजी नुन र एक थान सावुन वितरण गरिदै छ । राहत वितरणलाई पारर्दशी वनाउन केही वडाहरुले मापदण्डमा परेका राहत पाउनेहरुलाई कुपन उपलव्ध गराएको छ जस राहत वितरणमा सहज हुने अनुमान गरिएको छ ।
वडावासीलाई राहत वितरण गर्नका लागि हाल प्याकेजिडको काम भई रहेको वडा नम्बर ९ का वडाध्यक्ष भुपेन्द्र वरालले वताए । उनले आफनो वडा ७ सय ९५ जनालाई राहत वितरण गरिने समेत जानकारी दिए । दैनिक ज्यालादारी गरेर जीविकोपार्जन गर्दै आएकाहरु राहत पाउदा खुशी भएका छन ।इटहरी उपमहानगरपालिकाले सामाजिक दुरी कायम गरी दोस्रो चरणको खाद्यान्न राहत वितरण सुरु गरेको छ भने यसअघि पहिलो चरणमा इटहरी उपमहानगरपालिकाले २१ हजार वढिलाई राहत वितरण गरेको गरिएको थियो ।
Copyright © 2019 / 2026 - Junkirikhabar.com All rights reserved
