लकडाउनको समयमा समेत ठुलो संख्यामा भेला भएर सामाजिक दुरी लाई समेत बेवास्ता गर्दै सुनसरीको इटहरीमा लगाइएको तरकारी बजार उठाइएको छ । कोरोना भाइरसको संक्रमण नफैलियोस भनेर नेपाल सरकारले अत्यावश्यक काममा समेत सामाजिक दुरी कायम राख्न र अनावश्यक रुपमा घर वाहिर ननिस्कन भन्दै लकडाउन लगाएपनि ठुलो संख्यामा भिड भएपछी बजार उठाइएको हो ।
इटहरी उपमहानगरपालिका ,उद्योग वाणिज्य संघ इटहरी लगायत सरोकारवाला निकायहरुको छलफलले विहान ७ बजे देखि १० बजे सम्म सामाजिक दुरी कायम गरी बजार सञ्चालन गर्ने सहमतिको समेत बेवास्ता गरि लगाइएको बजार उद्योग वाणिज्य संघ इटहरीको सक्रियतामा उठाइयो । सामाजिक दुरी कायम नगरी मेला जस्तै गरी कोरोनाको संत्रास समाप्त भई सकेर बजार खुलेको झै गरी सञ्चालन गरिएको हाट बजारलाई आफुहरुले अनुरोध गरि हटाएको उद्योग वाणिज्य संघ इटहरीका बरिष्ठ उपाध्यक्ष दिवस पोखरेलले वताए ।
इटहरी बाहिर टाढा टाढा देखि समेत तरकारी व्यापारीहरु तरकारी विक्रीको लागि आएको पाइएका कारण जोखिम बढ्ने तर्फ मध्यनजर गरि बजार उठाउन आग्रह गरिएको समेत पोखरेलले जानकारी दिए ।
Copyright © 2019 / 2026 - Junkirikhabar.com All rights reserved
