प्रदेश १ का विभिन्न जिल्लामा बुधबारसम्म ८ हजार २ सय ९१ जनाको स्वाब नमुना परीक्षण सकिएको छ ।
कोरोना संक्रमण भए/नभएको थाहा पाउन गरिएको परीक्षण द्रूत परीक्षण विधि (आरडीटी) बाट बढी संख्यामा गरिएको छ ।
आरडीटीबाट ६ हजार ५ सय ५९ जनाको परीक्षण गरिएको प्रदेश १ मुख्यमन्त्री तथा मन्त्रिपरिषदको कार्यालयस्थित कोरोना सूचना डेस्कले जनाएको छ । यसैगरी ल्याबमा गरिने परीक्षण पीसीआर विधिबाट १ हजार ७ सय ३२ जनाको नमुना परीक्षण गरिएको छ ।
केही दिन प्रयोगशालामा आवश्यक उपकरण र अरु वस्तु अभाव भएकाले परीक्षणमा ढिलाइ भएको थियो । संघीय सरकारले आवश्यक सामग्री पठाएपछि नियमित परीक्षण भइरहेको जनाइएको छ ।
पीसीआर परीक्षण गरिएकामध्ये १ हजार ६ सय ९५ जनाको रिपोर्ट नेगेटिभ आएको छ । केहीको रिपोर्ट आउन बाँकी छ । प्रदेश १ मा हालसम्म ३१ जनामा कोरोना संक्रमण पुष्टि भइसकेको छ । तीमध्ये सुरुमा संक्रमण देखिएका ६ जना भारतीय नागरिकमा पछिल्लो पटक गरिएको परीक्षणका क्रममा रिपोर्ट नेगेटिभ आएको उक्त कार्यालयले जनाएको छ ।
Copyright © 2019 / 2026 - Junkirikhabar.com All rights reserved
