मोरङको सुन्दरहरैचा नगरपालिका ६ मा एक बालिकाको जन्मदिनमा विपन्न विद्यार्थीलाई शैक्षिक सामाग्री वितरण गरिएको छ ।
गछियाका युवा समाजसेवी सुभाष भण्डारीको छोरी सुभानिता भण्डारीको ३ वर्ष पुगेको जन्मदिनको अवसरमा ४५ विद्यार्थीलाई शैक्षिक सामाग्री वितरण गरिएको हो ।
जन्मदिनको अवसरमा भण्डारी परिवारले ६ नं. वडास्थित खर्साेइन चौकमा एक कार्यक्रमका बिच ६ नं. वडाध्यक्ष जीवन कुमार राईको प्रमुख आतिथ्ययतामा करिब ५० हजार बराबरको सामाग्री वितरण गरिएको थियो । कार्यक्रममा त्यस क्षेत्रका अति विपन्न परिवारका ४५ विद्यार्थीलाई ४२ थान किताब बोक्ने झोला, ९ दर्जन कपि र अन्य शैक्षिक सामाग्री वितरण गरिएको थियो ।
प्रमुख अतिथि ६ नं. वडाका अध्यक्ष जीवन कुमार राई, वडा सदस्य डम्बर थापा मगर र भण्डारी परिवारले विद्यार्थीलाई सामान वितरण गर्नुभएको थियो । कार्यक्रममा बोल्दै सुभाष भण्डारीले जन्मदिनमा हुने अनावश्यक खर्च सदुपयोग गरी सामाजिक सेवामा खर्च गरेको र यस्ता कार्यलाई निरन्तरता दिने बताउनुभयो ।
कोरोना सङ्क्रमणले विद्यार्थी विद्यालय जान नसकेको अवस्थामा घरमै बसेर पठन पाठनको लागि भण्डारी परिवारले वितरण गरिएका शैक्षिक सामाग्री अति उपयोगी हुने सुन्दरहैचा ९ का वडाध्यक्ष जिवनकुमार राईले बताउनुभयो । यस्तो उदाहरण कार्य अरुलेपनि सिको गर्नुपर्ने वहाँको भनाई थियो ।
समाजसेवी भण्डारीले कोरोनाको सङ्क्रमणको अवस्थामा यस अघि पनि भाडाको लागि दिइएको १५ वटा सटरको एक महिनाको भाडा शुल्क मिनाहा गर्नुभएको थियो । यस्तै विभिन्न राहत कार्यक्रममा पनि भण्डारीले सहयोग गर्ने गरेका छन् ।
यो पनि :
Copyright © 2019 / 2026 - Junkirikhabar.com All rights reserved
